برطانیہ کے دارالحکومت لندن کے اولین مسلم میئرصادق خان نے ایک انٹرویو میں ٹرمپ پر الزام لگا یا کہ انہوں نے ان کی نسل اور مذہب کی بناء پر تنقید کا نشانہ بنایا ۔گمان ہے کہ یہ تبصرہ دونوں کے مابین کشیدگی کومزید ہوا دے گا۔

لندن کے مئیر صادق خان نے امریکی صدر ڈونالڈ ٹرمپ پر الزام لگا یا ہے کہ ٹرمپ ان کی نسل اور مذہب کی بنیاد پرانہیں باربار تنقید کا نشانہ بناتے رہتے ہیں۔یہ تبصرہ ان دونوں کے مابین طویل عرصے سے جاری کشیدگی کی از سر نو تجدید کرے گا۔یہ کشیدگی ٹرمپ کے ذریعے کئی مسلم ممالک کے افراد پر امریکہ کے سفر پر پابندی عائد کرنے کے متعلق بات کرنے شروع ہوئی تھی۔جس کے بعد ٹرمپ نے مغربی ملک کے دارالحکومت کے اولین مسلم مئیر کو کئی برے القاب سے خطاب کیا تھا۔اس کے جواب میں صادق نے پارلیمنٹ اسکوائر پر ہونے والے مظاہرے میں ٹرمپ کے بچوں کے لنگوٹ میں ملبوس پتلے نما غباروں کو مظاہرے کے اوپر لہرانے کی اجازت دی تھی۔ 

یہ بھی پڑھئے: غزہ جنگ: اسرائیل، جنگی اور انسانیت کے خلاف جرائم میں ملوث ہے: ہیومن رائٹس واچ

ایک انٹرویو میں جو ٹرمپ کے دوبارہ منتخب ہونے کے بعد لیا گیا تھا خان نے ٹرمپ کے ذریعے ان پر تنقید کو انتہائی ذاتی قرار دیا۔ساتھ ہی انہوں نے کہا کہ’’ اگر وہ سفید فام ہوتے اورباعمل مسلمان نہ ہوتے تو ٹرمپ کا رویہ بھی اس قسم کا نہ ہوتا۔ان کا اس طرح کا برتاؤ میری نسل اور مذہب کی بناء پر ہے۔‘‘خان نے مزید کہا کہ اس عرصے کے دوران وہ کسی ایسے شخص کے خلاف بول رہے تھے جس کی پالیسیاں جنس پرست، اسلامو فوبک، نسل پرستی پر مبنی تھیں اور یہ کہ بولنا ان کی ذمہ داری ہے۔‘‘
واضح رہے کہ ٹرمپ کے تعلق سے ان کے تازہ ترین تبصرے برطانیہ کی لیبر پارٹی میں ان کے ساتھیوں کے بالکل برعکس ہیں، جو جولائی میں اقتدار میں آئی تھی۔

یہ بھی پڑھئے: ڈچ سیاستداں وائلڈرز نے ایمسٹرڈیم تشدد کیلئے مسلمانوں کو مورد الزام ٹھہرایا

دریں اثناء وزیر اعظم کیئر اسٹارمرٹرمپ  کے ساتھ مثبت تعلقات استوار کرنےکیلئے جلد بازی میں دکھائی دیے ہیں اور ٹرمپ کی تاریخی انتخابی فتح پر فوری طور پر مبارکباد دی ہے۔اسٹارمر نے کہا کہ ان کی فون کال بہت مثبت، بہت تعمیری تھی اور برطانیہ اور امریکہ کے درمیان نام نہاد خصوصی تعلقات ٹرمپ کی دوسری مدت میں مزید بہترہوں گے۔