نیشنل فلم ڈیولپمنٹ کارپوریشن آف انڈیا (این ایف ڈی سی) نے شدید مخالفت کے بعد اسرائیلی فلم فیسٹیول منسوخ کر دیا ہے۔ خیال رہے کہ یہ فلم فیسٹیول ۲۱؍ اور ۲۲؍ اگست کو نیشنل میوزیم آف انڈین سنیما (این ایم آئی سی) میں منعقد کیا جانے والا تھا۔

نیشنل فلم ڈیولپمنٹ کارپوریشن آف انڈیا (این ایف ڈی سی ) نے سیکڑوں افراد، جن میں اداکار اور کارکنان بھی شامل ہیں، کی مشترکہ آن لائن دستخطی مہم کے بعد ممبئی میں متوقع اسرائیل فلم فیسٹیول کو منسوخ کیا ہے۔ یہ تقریب، جو نیشنل میوزیم آف انڈین سنیما (این ایم آئی سی)، ممبئی میں ۲۱؍ اور ۲۲؍ اگست کو متوقع تھی، تنازعات کے بعد منسوخ کی گئی ہے۔

Representation to demand that the NFDC cancel the Israel Film Festival to be held in Mumbai!

We stand utterly shocked and dismayed at the fact NFDC is organising a Film Festival to showcase Israeli films on the 21st-22nd of August. https://t.co/W7xW7s9JdT

— Nasreen Ebrahim (@EbrahimNasreen) August 19, 2024

خیال رہے کہ اس تقریب کے خلاف یہ مہم ہندوستانی فلسطینی یکجہتی فورم نے منعقد کی تھی جس کا مقصد غزہ میں جاری نسل کشی کے تعلق سے آگاہی پھیلانا تھا۔ تقریب کے خلاف دستخط کرنے والے افراد میں معروف اداکار نصیر الدین شاہ، رتنا پھاٹک، مجاہد آزادی جی جی پاریکھ، ڈاکیومینٹری فلم ساز آنند پٹوردھن، گاندھی جی کے پڑپوتے اور مصنف تشار گاندھی اور ہندوستانی فلسطینی یکجہتی فورم کے فیروز مٹھی بوروالا بھی شامل ہیں۔

یہ بھی پڑھئے: ہندوستان میں آباد تارکین وطن میں ہندوئوں کی تعداد۶۱؍ فیصد: پیو رپورٹ

ادارے نے اپنے مشترکہ بیان میں کہا تھا کہ ’’نیشنل فلم ڈیولپمنٹ کارپوریشن آف انڈیا( این ایف ڈی سی) کی جانب سے اسرائیلی فلموں کی اسکریننگ شرمناک طریقے سے اس وقت منعقد کی جا رہی ہے جب پوری دنیا فلسطین میں اسرائیل کے جنگی جرائم، نسل کشی اور ہولوکاسٹ کی شاہد ہے۔ نیشنل فلم ڈیولپمنٹ فلم  کارپوریشن اور نیشنل میوزیم آف انڈین سنیما کو اس بات کی آگاہی ہونی چاہئے کہ حکومت ہند نے فلسطینی ریاست کے قیام کی حمایت کی ہے۔

یہ بھی پڑھئے: خوراک کی افراط زر کے دباؤ پر آر بی آئی کا انتباہ

این ایف ڈی سی اور این ایم آئی سی کا اسرئیلی فلموں کی نمائش کرنا غیر اخلاقی، غیر انسانی اور بے ضمیری حرکت اور انصاف کا مذاق اڑانے کے مترادف ہوگا۔ عالمی عدالت انساف اور بین الاقوامی فوجداری عدالت نے یہ تسلیم کیا ہے کہ اسرائیل نسل کشی کا مرتکب ہے۔ ان ثبوتوں کو مدنظر رکھتے ہوئے این ایف ڈی سی کو یہ فلم فیسٹیول منسوخ کرنا چاہئے۔ خیال رہے کہ اب تک اسرائیلی جارحیت کے نتیجے میں ۴۰؍ ہزار سے زائد فلسطینی ہلاک جبکہ ۹۲؍ ہزار سے زائد زخمی ہوئے ہیں۔ اسرائیلی حملوں کے نتیجے میں فلسطینی خطے کی آدھی سے زائد آبادی بے گھر ہوچکی ہے۔