نائجیریا میں حکام نے با خبر کیا ہے کہ صدر کی جانب سے معاشی اصلاحات کےنتیجے میں ہونے والی مہنگائی کے خلاف کینیا طرز کے پر تشدد مظاہرے ہو سکتے ہیں، حالانکہ صدر نے نوجوانوں سے ان مظاہروں سے دور رہنے اور ان اصلاحات کے نتائج آنے کا انتظار کرنے کی اپیل کی ہے۔

نائجیریا کے حکام نے خبر دار کیا ہے کہ شہری کینیا کی طرز پر ضروریات زندگی کی گرانی کےخلاف احتجاج کر سکتے ہیں، اس احتجاج نے کینیا حکومت کو نافذ کئے گئے نئے ٹیکس کو واپس لینے پر مجبور کر دیا تھا۔اس احتجاج کو آن لائن مہم کی بھی حمایت حاصل ہو گئی ہے، جس کی وجہ افراط زر کی شرح ۴۰؍ فیصد اور ایندھن کی قیمت تین گنا ہونا ہے۔ یہ سب ٹینوبو حکومت کی فوری اصلاح کو متعارف کرانے کے نتیجے میں ہوا ہے۔لاگوس سے لے کر ابوجا تک ملک کے تمام بڑے شہروں میں مظاہرے ہو رہے ہیں، اسی دوران ٹینو بو نے نو جوانوں سے گزارش کی ہے کہ وہ ان مظاہروں میں شرکت نہ کریں اور حکومت کے اصلاحی اقدام کے مثبت نتیجے ظاہر ہونے کا انتظار کریں۔ 

یہ بھی پڑھئے : وائناڈ حادثہ: ۲۸۸؍ سے زائد ہلاک،۲۰۰؍ افراد کے ملبے میں پھنسے ہونے کا خدشہ

ان مظاہروں کو کتنی حمایت حاصل ہے یہ کہنا مشکل ہے لیکن عوام میں اشیائے ضروریہ کی قیمتوں ، اور آمد و رفت کی گرانی کولے کر کافی بے چینی ہےاس کےعلاوہ عوام میں عدم تحفظ کا احساس بھی بڑھتا جا رہا ہے۔ان مظاہروں کے لیڈروں نے کمزور سول سوسائٹی کے اتحاد اور کچھ قانونی چیلنج کے سبب بڑے پیمانے پر مارچ کرنےکی بجائے اپنے مظاہروں کو عوامی پارک تک محدود رکھا ہے۔ اسی ہفتے مظاہروں کے اتحاد نے ایک بیان میں کہا تھا کہ یہ احتجاج مسلسل اور بلا خوف جاری رہنا چاہئے۔عوام کی پریشانی کو دیکھتے ہوئے حکومت نے پورے ملک میں اناج کی تقسیم،تنخواہوں میں اضافہ،اور انتہائی غریبوں کی امداد کا آغاز کیا ہے۔

“Bandits killed my husband and left me in suffering. Now police is shooting tear gas at my baby bcos I came for protest. You want to kill my baby??””

I am heartbroken. Nigeria 😭😭 #EndBadGovernanceInNigeria pic.twitter.com/GhTKbsiZJD

— FS Yusuf (@FS_Yusuf_) August 1, 2024

سرکاری فیڈریشن کے سکریٹری جارج اکومے نے نامہ نگاروں سے کہا کہ’’ صدر ٹینوبو کی حکومت نے عوام کے پر امن احتجاج کے حق کو تسلیم کیا ہے ، لیکن اس کی نگرانی ہماری ذمہ داری ہے ۔ہم نائجیریا کے شہریوں سے اپیل کرتے ہیں کہ وہ امن ، بات چیت اور تعاون کا راستہ اپنائیں۔لیکن لاگوس میں ان مظاہروں کا اختتام فائرنگ پر ہوا، دایاں محاذ نے فوج پر الزام لگایا ہے کہ اس نے پر امن مظاہرین پر فائرنگ کی، لیکن فوج نے الزام لگایا کہ مظاہرین نے کرفیوکی خلاف ورزی کی تھی۔

یہ بھی پڑھئے : غزہ جنگ: اسرائیل کا حماس کے ملٹری چیف محمد دیف کو قتل کرنے کا دعویٰ

نائجیریا کے حالیہ مظاہرےکینیا سے متاثر ہیں جہاں عوام کے شدید احتجاج کے بعد صدر ولیم روٹو کو نئے ٹیکس واپس لینے پر مجبور ہونا پڑا اور اپنی نئی کابینہ تشکیل دینا پڑا۔ یہ احتجاج ان کے دو سالہ دور اقتدار کے شدید ترین احتجاج تھے۔اس کے علاوہ یوگانڈا میں بھی حکام نے درجنوں ایسے افراد کو گرفتار کیا جو کینیا کے احتجاج سے متاثر ہوکر ممنوعہ آن لائن بد عنوانی کے خلاف احتجاج میں شامل ہوئے تھے۔