شمالی کوریا کی ریاستی کورین سینٹرل نیوز ایجنسی (کے سی این اے) نے امریکی صدر ڈونالڈ ٹرمپ کے غزہ کو قبضے میں لینے کے فیصلے کی مذمت کی ہے اور کہا کہ ’’ٹرمپ کے اس فیصلے نے تحفظ اور امن کی امید کو کچل ڈالا ہے۔‘‘

شمالی کوریا کی ریاستی کورین سینٹرل نیوز ایجنسی (کے سی این اے) نے امریکی صدر ڈونالڈ ٹرمپ کے غزہ کو قبضے کرنے کے منصوبے کی مذمت کی ہے اور کہا ہے کہ ’’اس تجویز نے فلسطینیوں کیلئے ’’تحفظ ‘‘ اور ’’امن‘‘ کی امید کو کچل ڈالا ہے۔‘‘کے سی این اے نے اپنے بیان میں کہا ہے کہ ’’امریکہ کے اس بیان کے بعد دنیا ابل رہی ہے۔‘‘

یہ بھی پڑھئے: برقع پوش طالبات نے اطمینان سے امتحان دیا

نیوز ایجنسی نے اپنی خبر میں ٹرمپ کا ذکر نہ کرتے ہوئے لکھا ہے کہ ’’قتل عام ‘‘ اور’’ڈاکے‘‘ کے ذریعے امریکہ کا وجود قائم ہے اور غزہ پر قبضے کے اس کے منصوبے سے دنیا پر قبضہ کرنے کا اس کا ’’غالبانہ‘‘ اور ’’متجاوز‘‘ مقصد ظاہر ہوتا ہے۔ ‘‘ بیان میں امریکی صدر ڈونالڈٹرمپ کی انتظامیہ کے ’’نہر پناما‘‘ اور ’’گرین لینڈ‘‘ کو قبضے میں لینے اور ’’گلف آف میکسیکو ‘‘ کا نام تبدیل کر کے ’’گلف آف امریکہ‘‘کرنے کے فیصلے کی بھی مذمت کی گئی ہے۔ ایجنسی نے اپنی خبر میں امریکہ کو ’’وحشی ڈاکو‘‘ قرار دیا ہےاور کہا ہے کہ ’’امریکہ کو اپنے خواب سے واپس آجاناچاہئےاور کسی بھی ملک یا قوم کی ’’شناخت‘‘ اور ’’ خودمختاری‘‘کو نقصان پہنچانے کے اپنے مقصد کو روکنا چاہئے۔‘‘

یہ بھی پڑھئے: شیوسینا (شندے) پھر درکنار، اراکین اسمبلی کے بغیر ضلعی میٹنگ

اس درمیان امریکی صدر ڈونالڈ ٹرمپ نے غزہ کواپنے قبضے میں لینے کے اپنے بیان کو دہرایا ہے اور اردن کے کنگ عبداللہ سے بے گھر فلسطینیوں کیلئے زمین مختص کرنے کی اپیل کی ہے۔عبداللہ نے کہا کہ ’’میں فلسطینیوں کی بازآبادکاری کی مذمت کرتا ہوں ۔‘‘ مصر کا کہنا ہے کہ ’’جامع منصوبہ‘‘ بے گھر فلسطینیوں کی بازآبادکاری کے بجائے غزہ کی بحالی ہے۔‘‘