وزارتِ خارجہ کے ترجمان وکرم مسری نے بتایا کیا کہ ہندوستان نے نئی دہلی میں پاکستانی دفاع، فوجی، بحری اور فضائی مشیروں کو پرسونا نان گراٹا (غیر مطلوبہ شخص) قرار دیا ہے۔ انہیں ایک ہفتے کے اندر ملک چھوڑنے کا حکم دیا گیا ہے۔ اسلام آباد میں موجود ہندوستانی دفاع، بحری اور فضائی مشیروں کو بھی واپس بلایا جائے گا۔

پہلگام دہشت گردانہ حملہ کے بعد ہندوستان نے پاکستانی شہریوں کیلئے ویزا سروسیز کو فوری طور پر معطل کر دیا ہے۔ نئی دہلی نے اعلان کیا کہ پاکستانی شہریوں کیلئے جاری کردہ تمام موجودہ فعال ویزے ۲۷ اپریل کے بعد منسوخ ہو جائیں گے جبکہ پاکستانیوں کو جاری کردہ طبی ویزے ۲۹ اپریل تک جائز رہیں گے۔ ہندوستان کی وزارت خارجہ نے جمعرات کو ملک میں موجود پاکستانی شہریوں کو ہدایت دی کہ وہ ۲۷ اپریل کو اپنے ویزوں کی منسوخی سے قبل ملک چھوڑ دیں۔ وزارت نے ہندوستانی شہریوں کو "سخت مشورہ" دیا کہ وہ پاکستان کا سفر کرنے سے گریزیں۔ اس کے ساتھ ہی، پاکستان میں موجود ہندوستانی شہریوں کو بھی جلد از جلد وطن واپس لوٹنے کی ہدایت کی گئی ہے۔

یہ بھی پڑھئے: پہلگام دہشت گردانہ حملہ: ہندوستان نے پاکستان کاسرکاری ایکس اکاؤنٹ بلاک کردیا

یہ فیصلہ نئی دہلی کی طرف سے بدھ کی رات، قومی سلامتی کے معاملات پر اعلیٰ ترین فیصلہ ساز ادارے، کابینی سلامتی کمیٹی (سی سی ایس) کے اجلاس کے بعد سامنے آئے پاکستان کے خلاف اعلان کردہ اقدامات کے مطابق ہے۔ بدھ کو ہندوستانی حکومت نے ۱۹۶۰ء کے سندھ آبی معاہدے کو فوری طور پر معطل کرنے کا اعلان کیا جب تک پاکستان "سرحد پار دہشت گردی کی حمایت کو قابلِ اعتبار طور پر بند نہ کر دے۔" نئی دہلی نے یہ بھی اعلان کیا کہ اٹاری-واگھہ بارڈر چیک پوسٹ کو فوری طور پر بند کر دیا جائے گا اور پاکستانی شہریوں کو سارک ویزا استثنیٰ اسکیم (ایس وی ای ایس) کے تحت ہندوستان میں سفر کی اجازت نہیں ہوگی۔

یہ بھی پڑھئے: بی جے پی یوتھ لیڈر اروند اگروال نے جان بچانے پر نزاکت شاہ کا شکریہ ادا کیا

وزارت خارجہ نے بدھ کو کہا کہ ماضی میں پاکستانی شہریوں کو جاری کردہ کوئی بھی ایس وی ای ایس ویزے منسوخ تصور کئے جائیں گے اور اس ویزے کے تحت ہندوستان میں موجود پاکستانی شہریوں کو ۴۸ گھنٹوں کے اندر ملک چھوڑنا ہوگا۔ وزارت نے بدھ کو تصدیق کی کہ یہ فیصلہ سی سی ایس کی ہدایت پر کیا گیا ہے۔ وزارت کے ترجمان وکرم مسری نے بتایا کیا کہ ہندوستان نے نئی دہلی میں پاکستانی دفاع، فوجی، بحری اور فضائی مشیروں کو پرسونا نان گراٹا (غیر مطلوبہ شخص) قرار دیا ہے۔ انہیں ایک ہفتے کے اندر ملک چھوڑنے کا حکم دیا گیا ہے۔ پرسونا نان گراٹا ایک غیر ملکی سفارت کار یا عملہ کا رکن ہوتا ہے جسے میزبان ملک ناپسندیدہ سمجھتا ہے۔ نئی دہلی نے کہا کہ وہ اسلام آباد میں موجود اپنے دفاع، بحری اور فضائی مشیروں کو بھی واپس بلائے گا۔

یہ بھی پڑھئے: دہشت گردوں کو بخشا نہیں جائیگا، پاکستان کو بھی سخت پیغام

واضح رہے کہ کشمیر کے پہلگام کے پہاڑی سیاحتی مقام پر منگل کو ہونے والے دہشت گردانہ حملے میں ۲۶ افراد ہلاک اور ۱۷ دیگر زخمی ہوئے۔ یہ حملہ اننت ناگ ضلع کے بیساران علاقے میں ہوا۔ عسکریت پسندوں نے سیاحوں پر فائرنگ کی جن میں سے زیادہ تر دیگر ریاستوں سے تعلق رکھتے تھے۔ یہ ۲۰۱۹ میں مرکزی حکومت کی طرف سے جموں و کشمیر کی خصوصی حیثیت ختم کرنے کے بعد کشمیر میں شہریوں کو نشانہ بنانے والا پہلا بڑا دہشت گرد حملہ تھا۔ ہندوستانی حکام مسلسل پاکستان میں موجود دہشت گرد تنظیموں پر خطے میں تشدد کی سرپرستی کا الزام عائد کرتے رہے ہیں جسے پاکستان مسترد کرتا ہے۔ ویزوں کی منسوخی سے دوطرفہ تعلقات میں تیزی سے گراوٹ آئی ہے جو حالیہ برسوں میں سرحد پار دہشت گردی اور جنگ بندی کی خلاف ورزیوں کی وجہ سے پہلے ہی کشیدہ تھے۔