آج پاکستانی سپریم کورٹ نے پارلیمنٹ میں مخصوص نشستوں کے معاملے میں فیصلہ سنایا کہ سابق وزیر اعظم عمران خان کی پارٹی ’’پی ٹی آئی‘‘ امسال ہونے والے انتخابات میں ۷۰؍ مخصوص نشستوں کی حقدار ہے۔ عمران خان کے حامیوں نے اسے تاریخی فیصلہ قرار دیا ہے۔ دوسری جانب، شہباز شریف کی حکومت کمزور ہونے کے امکانات بڑھ گئے ہیں۔

پاکستان کی سپریم کورٹ نے جمعہ کو ایک تاریخی فیصلہ سناتے ہوئے کہا کہ جیل میں بند سابق وزیر اعظم عمران خان کی پارٹی پاکستان تحریک انصاف (پی ٹی آئی) پارلیمنٹ میں مخصوص نشستوں کیلئے اہل ہے، جس سے وزیر اعظم شہباز شریف کے کمزور حکمران اتحاد پر دباؤ بڑھتا جا رہا ہے۔ خیال رہے کہ پی ٹی آئی کے امیدواروں نے ۸؍ فروری کو ہونے والے عام انتخابات میں آزاد امیدواروں کی حیثیت سے پارٹی کو انتخابات سے روکے جانے کے بعد حصہ لیا تھا، اگرچہ ان آزاد امیدواروں نے سب سے زیادہ ۹۳؍ نشستیں حاصل کیں، الیکشن کمیشن نے فیصلہ سنایا تھا کہ انہیں خواتین اور اقلیتوں کیلئے مخصوص ۷۰؍ نشستوں میں سےحصہ نہیں ملے گا۔ یہ صرف سیاسی جماعتوں کیلئے ہیں۔ اس کے بعد یہ نشستیں دوسری جماعتوں کو دی گئیں، جن میں زیادہ تر شہباز شریف کے حکمران اتحاد میں شامل تھے۔

یہ بھی پڑھئے: پاکستان : یورپ کی شہریت کے منتظر۴۴۰۰۰؍ افغانی تین سال سے پاکستان میں مقیم

پاکستان میں، جماعتوں کو عام انتخابات میں جیتی گئی نشستوں کی تعداد کے تناسب سے ۷۰؍ مخصوص نشستیں (۶۰؍ خواتین کیلئے، ۱۰؍ غیر مسلموں) دی جاتی ہیں۔ اس سے قومی اسمبلی کی کل ۳۳۶؍ نشستیں مکمل ہو جاتی ہیں۔ پاکستان کی پارلیمنٹ میں واضح اکثریت ۳۳۶؍ میں سے ۱۶۹؍ ہے۔ مارچ میں، ای سی پی اور پشاور ہائی کورٹ دونوں نے الگ الگ فیصلوں میں کہا تھا کہ آزاد امیدوار مخصوص نشستوں کیلئے اہل نہیں تھے، جس سے پی ٹی آئی کے حکومتی امکانات کو دھچکا لگا اور عمران خان کیلئے یہ ایک بڑا جھٹکا ثابت ہوا۔بعد میں ان فیصلوں کو سپریم کورٹ نے مسترد کر دیا، جو گزشتہ ماہ سے اس معاملے پر موصول ہونے والی کئی عرضیوں کی سماعت کر رہی ہے۔ یاد رہے کہ عمران خان اب بھی جیل میں ہیں۔

Congratulations 🎊 Pakistan

PTI got more or less 75 seats of National & Provincial Assembly back from Supreme Court
Alhamdulilah ❤️
بے شک اللہ الحق ہے وہ سچ کا خدا ہے، الحمداللہ پوری قوم کو فتح مبارک ہو #عمران_خان_جیت_چکا#SupremeCourt #Pakistan #SeatsBelongToPTI #ImranKhan pic.twitter.com/UKvTBwwtSb

— Sheikh Nabeel (@SheikhSpeaks786) July 12, 2024

جمعہ کو سپریم کورٹ نے پشاور ہائی کورٹ کے فیصلے کو کالعدم قرار دیتے ہوئے کہا کہ پی ٹی آئی کو مخصوص نشستوں کیلئے نااہل قرار دینے والا ای سی پی کا حکم آئین کے خلاف ہے۔ یہ کوئی بھی قانونی اختیار کے بغیر ہے اور کوئی قانونی اثر نہیں رکھتا۔ چیف جسٹس قاضی فائز عیسیٰ نے پی ٹی آئی کے حمایت یافتہ بلاک کی جانب سے دائر درخواستوں میں سے ایک کا فیصلہ پڑھتے ہوئے کہا کہ ’’پی ٹی آئی پارلیمنٹ میں خواتین اور وزارتوں کی مخصوص نشستوں کیلئے اہل ہو گی۔‘‘ اور ای سی پی سے مخصوص نشستوں کی تعداد کا دوبارہ گنتی کرنے کا مطالبہ کیا۔ اور کہا کہ عمران خان کی پارٹی اس کی حقدار تھی۔
پی ٹی آئی کے سید شبلی فراز، جو اس وقت پارلیمنٹ میں حزب اختلاف کے لیڈر کے طور پر خدمات انجام دے رہے ہیں، نے کہا کہ یہ پاکستانی سیاست کا تاریخی دن ہے۔عدالتی فیصلے کے اعلان کے بعد شبلی فراز نے صحافیوں کو بتایا کہ ’’سب سے پہلے پاکستانی عوام اور ان کے لیڈر عمران خان کو دلی مبارکباد۔‘‘

یہ بھی پڑھئے: سپریم کورٹ سے دہلی کے وزیر اعلیٰ اروند کیجریوال کوعبوری ضمانت

خیال رہے کہ ۷۰؍ مخصوص نشستوں کے بغیر، موجودہ حکومت قومی اسمبلی میں اپنی دو تہائی اکثریت کھو دے گی، جس کے بغیر وہ آئینی ترامیم کے ذریعے آگے نہیں بڑھ سکتی۔عدالت کے اس فیصلے سے عمران خان کے حامیوں کی سیاسی پوزیشن کو بھی تقویت ملتی ہے، جن کا یہ نعرہ رہا ہے کہ الیکشن کمیشن اور فوج کی حامی نگراں حکومت جو انتخابات کی نگرانی کرتی ہے، اسے جیت سے محروم کرنے کیلئے انتخابی دھاندلیوں میں ملوث ہے۔ تاہم، ای سی پی اس کی تردید کرتا ہے۔