لائیو لاء نے رپورٹ کیا ہے کہ آج ایکس نے دہلی ہائی کورٹ میں کہا کہ صحافی رجت شرما کا وہ ویڈیو جس میں وہ کانگریس لیڈران کیلئے نازیبا زبان استعمال کررہے ہیں، وہ ایڈیٹیڈ یا جعلی نہیں ہے۔ واضح رہے کہ رجت شرما نے ان لیڈران کے خلاف ہتک عزت کا مقدمہ درج کروایا تھا، اور کہا تھا کہ یہ ویڈیو جعلی ہے۔

لائیو لاء کے مطابق جمعہ کو ایکس نے دہلی ہائی کورٹ کو بتایا کہ کانگریس کے ترجمان راگنی نائک کی طرف سے ایکس پر پوسٹ کیا گیا ایک ویڈیو، جس میں سینئر صحافی رجت شرما کو لائیو ٹی وی پر زبانی طور پر ان کے ساتھ بدسلوکی کرتے ہوئے دکھایا گیا ہے، وہ ویڈیو ایڈٹ شدہ یا جعلی نہیں ہے۔جسٹس منمیت پریتم سنگھ اروڑہ کی سنگل بنچ رجت شرما کی طرف سے کانگریس لیڈر نائک، جے رام رمیش اور پون کھیڑا کے خلاف دائر ہتک عزت کے مقدمے کی سماعت کر رہی تھی۔ رجت شرما پر کانگریس لیڈران نے الزام عائد کیا تھا کہ انہوں نے ۴؍ جون کو انڈیا ٹی وی پر نشر ہونے والے ایک شو کے دوران ان کے خلاف نازیبا زبان استعمال کی تھی۔

یہ بھی پڑھئے: سپریم کورٹ سے دہلی کے وزیر اعلیٰ اروند کیجریوال کوعبوری ضمانت

جمعہ کو ایکس نے کہا کہ ویڈیو، جسے رمیش اور کھیڑا نے سوشل میڈیا پلیٹ فارم پر شیئر بھی کیا تھا، ’’بالکل مستند‘‘ ہے۔ یہ واقعہ کی انڈیا ٹی وی کے خام فوٹیج کے ساتھ رجت شرما کے اپنے ہتک عزت کے مقدمے میں فائلنگ سے میل کھاتا ہے۔ ایکس نے عدالت کو بتایا کہ خام فوٹیج انڈیا ٹی وی کے یوٹیوب چینل پر دستیاب تھا اور اس میں رجت شرما کو وہ الفاظ کہتے ہوئے دکھایا گیا ہے جن کے استعمال سے انہوں نے انکار کیا ہے۔ واضح رہے کہ جمعہ کی سہ پہر تک یہ ویڈیو انڈیا ٹی وی کے یوٹیوب چینل پر دستیاب نہیں تھا۔
ایکس نے مزید کہا کہ عدالت محض رجت شرما کے ’’مبہم اور غیر مصدقہ دعوؤں‘‘ کی بنیاد پر یہ نتیجہ اخذ نہیں کر سکتی کہ ویڈیو کو ایڈٹ کیا گیا تھا۔ یاد رہے کہ ایکس نے ہائی کورٹ میں ایک درخواست دائر کی ہے جس میں ۱۴؍ جون کے عبوری حکم کی تعطل کی درخواست کی گئی ہے جس میں اسے اور کانگریس لیڈروں کو ویڈیو کو ہٹانے کی ہدایت دی گئی ہے۔

یہ بھی پڑھئے: نیٹ پیپر لیک معاملہ: سی بی آئی نے مزید ایک ملزم کو گرفتار کیا، ۲۸؍ ویں گرفتاری

رجت شرما کے وکیل سندیپ سیٹھی نے عدالت کو بتایا کہ کانگریس لیڈروں نے ۱۴؍ جون کے حکم کے بعد اپنے پوسٹ نہیں ہٹائے ہیں، حالانکہ انہیں ہندوستان میں ایکس نے بلاک کر دیا ہے۔لائیو لاء کے مطابق، عدالت نے کھیڑا، رمیش اور نائک کو جمعہ کی شام ۷؍ بجے تک پوسٹس ہٹانے کی ہدایت دی ہے جبکہ ایکس کو ۵؍ بجے تک پوسٹس کو اَن بلاک کرنے کیلئے کہا ہے۔