اقوام متحدہ کی ایجنسی یو این اے آئی ڈی ایس نے اپنی حالیہ رپورٹ میں کہا ہےکہ ۲۰۲۳ء میں ۴۰؍ ملین سے زائد افراد ایچ آئی وی وائرس سے متاثر تھےجو ایڈز کی وجہ بنا تھا۔ ۹؍ ملین افراد علاج کی سہولت سے محروم تھے جس کا مطلب ہے کہ ہر منٹ ایڈز سے متعلقہ معاملات میں کسی نہ کسی کی موت ہوئی تھی۔

اقوام متحدہ کی ایجنسی یو این اے آئی ڈی ایس نے پیر کو جاری کردہ اپنی رپورٹ میں کہا کہ ’’۲۰۲۳ءدنیا میں تقریباً ۴۰؍ ملین افراد ایچ آئی وی وائرس سے متاثر تھے جو ایڈز کی وجہ بنا تھا۔ ۹؍ ملین سے زائد افرادعلاج کی سہولت سے محروم رہے تھے اور اس کا نتیجہ یہ تھا کہ ہر منٹ میں ایڈز سے متعلقہ معاملات میں کسی نہ کسی کی موت ہوتی ہے۔‘‘

Thanks to the progress made in expanding access to treatment, AIDS-related deaths are at the lowest level since the peak in 2004.​

World leaders can fulfil their promise to #endAIDS as a public health threat by 2030, if they act boldly together to ensure resourcing and rights. pic.twitter.com/gEXFC7cNe9

— UNAIDS Global (@UNAIDS) July 23, 2024

ایجنسی نے اپنی رپورٹ میں نشاندہی کی ہے کہ ’’عالمی ایڈز کی وباء کو روکنے کیلئے ایڈوانس تکنیکوں کا استعمال کیا جارہاہے اس کے باوجود ترقی میں سست رفتاری دیکھی گئی ہے، فنڈنگ میں کمی واقع ہوئی ہے اور مشرقی وسطیٰ، جنوبی افریقہ ، مشرقی یورپ ، مرکزی ایشیاء اور لاطین امریکہ میں تین نئے انفیکشن پیدا ہوئے ہیں۔ ایڈز کیلئے یو این کی ایجنسی یو این اے آئی ڈی ایس نے اپنی رپورٹ کے حوالے سے کہا ہے کہ ۲۰۲۳ء میں ایڈزسے متعلقہ بیماریوں کے سبب ۶؍ لاکھ ۳۰؍ ہزار افراد کی موت ہوئی تھی۔

یہ ۲۰۰۴ءمیں ایڈز کے نتیجے میں ہونے والی اموات کی شرح ۱ء۲؍ ملین سے کم ہیں۔ تاہم، حالیہ اعدادو شمار ایجنسی کے ۲۰۲۵ء تک ایڈز کی وجہ سے ہونے والی اموات کی شرح ۲؍ لاکھ ۵۰؍ ہزار سے کم کرنے کے مقصد سے دگنا سے بھی زیادہ ہے۔ رپورٹ میں افریقہ کچھ حصوں میں بالغ اور جوان عورتوں میں ایچ آئی وی کی بڑھتی شرح کے حوالے سے کہا گیا ہے کہ صنفی مساوات خواتین اور لڑکیوں میں ایچ آئی وی وائرس میں اضافے کی خطرے کوبڑھا رہا ہے۔

Reverend Jide Macaulay @RevJide from @HouseOfRainbow tells us how faith leaders play a part in supporting the HIV response.
His message 👇 live from #AIDS2024 pic.twitter.com/amt7T6ssem

— UNAIDS Global (@UNAIDS) July 23, 2024

رپورٹ کے مطابق نئے انفیکشن کی شرح ان پسماندہ طبقات میں زیادہ ہے جو تفریق کا سامنا کر رہے ہیں اور نشہ کے عادی افراد میں اس انفیکشن سے متاثرہ افراد کی شرح ۲۰۱۰ء میں ۴۵؍ فیصد تھی جبکہ یہ ۲۰۲۳ء میں ۵۵؍ فیصد ہو گئی تھی۔ اس ضمن میں یو این اے آئی ڈی ایس کے ایگزیکٹیو ڈائریکٹر وینی بیان ییما نے کہا کہ ’’عالمی لیڈران نے عہد کیا تھا کہ وہ ’’عوامی سطح پر خطرہ‘‘، ایڈ ز کی وباء کو ۲۰۳۰ء تک ختم کرنے کی پوری کوشش کریں گے۔ وہ اب بھی اپنے عہدکو پورا کر سکتے ہیں اگر چہ وہ یقین دہانی کریں کہ ایچ آئی وی سے متاثرہ افراد کے پاس علاج کے بہترین ذرائع ہوں اور ہر ایک کیلئے انسانی حقوق یکساں ہوں۔‘‘

Empowering young women is essential for ending AIDS.

Find out more in the #GlobalAIDSUpdate2024 https://t.co/kIbI3uebuQ pic.twitter.com/9Sjoqwxf9z

— UNAIDS Global (@UNAIDS) July 23, 2024

عالمی لیڈران نے سالانہ ایچ آئی وی کے انفیکشن کی شرح ۲۰۲۵ء تک ۳؍ لاکھ  ۷۰؍ ہزار سے کم کرنے کا مقصد طے کیا تھا لیکن رپورٹ کے مطابق ۲۰۲۳ء میں نئےانفیکشن کی شرح ۳ء۱؍ ملین پر تین گناہ زیادہ تھی۔گزشتہ سال دنیا بھر میں ۹ء۳۹؍ ملین افراد ایچ آئی وی کے ساتھ زندگی گزار رہے تھے۔ ان میں سے ۸۶؍ فیصد افراد یہ جانتے تھے کہ وہ ایچ آئی وی سے متاثر ہیں۔ ۷۷؍ فیصد افراد کے پاس علاج کے ذرائع تھے جبکہ ۷۲؍ فیصد وائرس کو علاج کی سہولت نہ ہونے کی وجہ سے دبایا گیا تھا۔

یہ بھی پڑھئے: کیرالا: مغربی بنگال کے ایک مہاجر مزدور نےکرایہ بچانے کیلئے کتا گھر میں بسیرا کیا

اس حوالے سےیو این اے آئی ڈی ایس نیویارک کی ڈائریکٹر سیزار نونیز نے نیوز کانفرنس میں کہا کہ ’’ایچ آئی وی کے علاج میں ترقی ہوئی ہے۔ ایسے انجیکشن متعارف کروائے گئے ہیں جو جسم میں ۶؍ماہ تک رہ سکتے ہیںلیکن اس انجیکشن کے ۲؍ ڈوز کی قیمت ۴۰؍ ہزار روپے ہے جو غریبوں کی دسترس سے باہر ہے جبکہ امیر اسے خریدنے کی استطاعت رکھتا ہے۔

یہ بھی پڑھئے: ایتھوپیا: مٹی کے تودے گرنے سے ہلاکتوں کی تعداد ۱۴۶؍ ہوگئی، سرچ آپریشن جاری

نونیز نے مزید کہا کہ ’’ایسے ۷؍ معاملات ہیں جہاں ایچ آئی وی سے متاثرہ افراد، جن کا علاج لیوکیمیا (کینسر کے خلیے) کیلئے جاری تھا، کے جسم پر ایچ آئی وی وائرس کی کوئی نشانی نہیں تھی۔ انہوں نے مزید کہا کہ پیر کو میویخ ، جرمنی میں ایڈز کی ۲۵؍ویں بین الاقوامی کانفرنس میں ان ۷؍ معاملات اور انجیکشن کا تذکرہ کیا جائے گا۔انہوں نے مزید کہا کہ ’’ایک شخص کیلئے ایڈز کے سالانہ علاج کیلئے ۷۵؍ امریکی ڈالر مختص ہوں گے ۔ اس کے تحت متعدد ممالک میں ایچ آئی وی سے متاثرہ افراد کو علاج کی سہولت میں آسانی ہوئی ہے۔ ‘‘