ملک کے معروف تعلیمی ادارے یونیورسٹی آف حیدرآباد نے کالج کے ثقافتی فیسٹیول ’’سکون‘‘ کو منسوخ کرنے کے فیصلے کے خلاف پر امن طریقے سے احتجاج کرنے والے ۵؍ طلبہ کو معطل کیا ہے اور ان پر ۱۰؍ ہزار روپے جرمانہ عائد کیا ہے۔ یونیورسٹی انتظامیہ نے طلبہ کو ہوسٹل میں اپنے کمرے خالی کرنے کا حکم جاری کیا ہے۔ طلبہ کے مطابق انتظامیہ کا فیصلہ یکطرفہ تھا۔

ملک کےمعروف تعلیمی ادارے یونیورسٹی آف حیدرآباد(یو او ایچ) نے ۵؍ طلبہ کو جن میں، اسٹوڈنٹ یونین کے صدر عقیق احمد بھی شامل ہیں، کو معطل کر دیا ہے اور انہیں یکم جولائی تک اپنے ہوسٹل خالی کرنے کا حکم جاری کیا ہے۔ طلبہ کو ثقافتی فیسٹیول ’’سکون‘‘ منعقد کرنے کیلئے احتجاج کرنے کے بعد معطل کیا گیا ہے۔

*Condemn the University of Hyderabad Administration*

*Revoke Suspension and Cases on Students Immediately*

Student Unity Long Live
SFI PU 🚩 pic.twitter.com/kRDIFALyJ2

— SFI - Pondicherry University (@SFI_PondiUni) June 24, 2024

طلبہ کے مطابق کالج انتظامیہ نے یکطرفہ طور پر یہ فیسٹیول منسوخ کیا ہے۔ وہ طلبہ جو وی سی لاج کے باہر۱۸؍ مئی کویونیورسٹی انتظامیہ کے فیصلے کے خلاف احتجاج کر رہے تھے جس کی وجہ سے ان کے خلاف یہ کارروائی کی گئی ہے، پر ۱۰؍ ہزار روپے کا جرمانہ عائد کیا گیا ہے اور دیگر ۵؍ طلبہ پر بھی کیمپس میں احتجاج کرنے کی پاداش میں ۱۰؍ ہزار جرمانہ عائد کیا گیا ہے۔ 

یہ بھی پڑھئے: مہاراشٹر میں نندوربار ضلع میں سب سے زیادہ غربت!

اسٹوڈنٹ یونین نے متعدد طلبہ کو معطل کئے جانےکے خلاف آج دوپہر میں یونیورسٹی کیمپس میں احتجاج کرنے کا فیصلہ کیا ہے۔ امبیڈکر اسٹوڈنٹ اسوسی ایشن نے اپنے سوشل میڈیا اکاؤنٹ پر طلبہ کے خلاف اس کارروائی کو ’’برہمنی انتظامیہ کا پراکٹوریل راج‘‘ قرار دیا ہے۔

یہ بھی پڑھئے: بہارمیں ایک اور پُل منہدم، ہفتے بھر میں تیسرا واقعہ

اسٹوڈنٹ فیڈریشن انڈیا یونٹ نےاپنے بیان میں طلبہ کے سکون فیسٹیول منسوخ کرنے کے خلاف پر امن احتجاج پر انہیں معطل کرنے اور ان پر بھاری جرمانہ عائد کرنے کے فیصلے کی شدید مذمت کی ہے۔ بائیں بازوکے ادارے نے دعویٰ کیا ہے کہ تقریباًٖ ۱۰؍ طلبہ کارکنان کو معطل کیا گیا ہےا ور ان پر جرمانہ عائد کیا گیا ہے۔