ہارورڈ یونیورسٹی کے اہلکاروں کو اپنے ریکارڈ کی معمول جانچ کے دوران ویزوں کی منسوخی کا پتہ چلا، جہاں ۳۰۰؍ سے زائد بین الاقوامی طلبہ کے ویزے منسوخ کئے گئے، جنہوں نےاسرائیل کی مخالفت کی تھی۔ان میں وہ طلبہ بھی شامل ہیں، جنہوں نے سوشل میڈیا پر کسی پوسٹ کو شیئر یا لائک کیا تھا۔

ہارورڈ یونیورسٹی کے اہلکاروں کو اپنے ریکارڈ کی معمول جانچ کے دوران ویزوں کی منسوخی کا پتہ چلا، جہاں ۳۰۰؍ سے زائد بین الاقوامی طلبہ کے ویزے منسوخ کئے گئے، جنہوں نےاسرائیل کی مخالفت کی تھی۔ان میں وہ طلبہ بھی شامل ہیں، جنہوں نے سوشل میڈیا پر کسی پوسٹ کو شیئر یا لائک کیا تھا۔ہارورڈ انٹرنیشنل آفس نے ایک ای میل میں لکھا، ’’ہمیں ویزہ منسوخیوں کی تفصیلات یا ان کی وجوہات کے بارے میں علم نہیں ہے۔‘‘یہ واقعات اسٹینفورڈ یونیورسٹی، یونیورسٹی آف کیلیفورنیا، اور یونیورسٹی آف میساچوسٹس ایمہرسٹ کے کئی طلباء کے ویزے منسوخ ہونے کے فوراً بعد سامنے آئے ہیں۔

یہ بھی پڑھئے: غزہ جنگ: اسرائیلی فوجیوں کا بیان، غزہ کو ’’ہیروشیما‘‘ قرار دیا

 واضح رہے کہ جب کسی طالبعلم کا ایف ون بی ویزا منسوخ ہو جاتا ہے تو وہ امریکہ میں رہنے کا قانونی حق کھو دیتا ہے، قانونی امیگریشن کی حیثیت کے بغیر امریکہ میں رہنے پر جرمانہ، حراست، یا ملک بدری ہو سکتی ہے۔ اسٹینفورڈ میں دو حالیہ فارغ التحصیل افراد اور چار طلباء کے طالب علم ویزے کی حیثیت ختم ہو گئی، جس کی یونیورسٹی نے تصدیق کی۔ اسٹینفورڈ نے فوراً طلباء کو ویزہ منسوخیوں کی اطلاع دی اور انہیں بیرونی قانونی امداد تک رسائی فراہم کی۔یونیورسٹی نے رازداری کے تحفظات کا حوالہ دیتے ہوئے طلباء کے نام بتانے یا مزید تفصیلات دینے سے انکار کر دیا۔اسی طرح، یونیورسٹی آف کیلیفورنیا میں سات موجودہ طلباء اور پانچ حالیہ فارغ التحصیل افراد کےایف ون ویزے منسوخ کر دیے گئے ہیں۔یونیورسٹی آف میساچوسٹس ایمہرسٹ کے پانچ بین الاقوامی طلباء کے ویزے منسوخ کر دیے گئے ہیں اور ان کی طالب علم کی حیثیت ختم کر دی گئی ہے۔

یہ بھی پڑھئے: امریکہ: غیر ملکی ملازمین کے ملازمت تصدیقی فارم میں لفظ "غیر شہری" کو "ایلیئن" سے تبدیل کردیا گیا

اس سے قبل، سیکرٹری آف اسٹیٹ مارکو روبیو نے اعلان کیا تھا کہ۳۰۰؍ سے زائد بین الاقوامی طلباء کے ویزے منسوخ کیے گئے ہیں جو حماس یا دیگر دہشت گرد تنظیموں کی حمایت کرتے پائے گئے۔ روبیو نے ایسے طلباء کے ویزے کا پتہ لگانے اور منسوخ کرنے کیلئے ’’کیچ اینڈ ریووک‘‘ نامی ایک مصنوعی ذہانت پر مبنی ایپ لانچ کی تھی۔ رپورٹ سے پتہ چلتا ہے کہ اہلکار اب (تعلیمی مطالعہ)، (ووکیشنل اسٹڈی)، اور (تبادلہ) ویزہ زمرہ جات میں نئے طالب علم ویزہ درخواست دہندگان کی سوشل میڈیا سرگرمیوں کی قریب سے جانچ کریں گے۔ دہشت گرد گروہوں کی حمایت کرنے والے درخواست دہندگان کو امریکہ میں تعلیم حاصل کرنے سے روک دیا جائے گا۔