لیبرون جیمس این بی اے میں سب سے زیادہ ۵۰؍ ہزار کریئر پوائنٹس اسکور کرنے والے پہلے کھلاڑی بن گئے۔

۳؍ بار کے اولمپک گولڈ میڈلسٹ لیبرون جیمس۵۰؍ہزارکریئر پوائنٹس بنانے والے تاریخ کے پہلے این بی اے کھلاڑی بن گئے ہیں۔۴۰؍ سالہ لاس اینجلس لیکرس اسٹار نے منگل کو نیو اورلینز پیلیکنز کے خلاف گھر میں این بی اے کے باقاعدہ سیزن گیم کے دوران تھری پوائنٹر اسکور کرنے کے بعد یہ کارنامہ انجام دیا۔ جیمس کو نیو اورلینز پیلیکنز کے خلاف لیکرس کے میچ اپ میں صرف ایک پوائنٹ کی ضرورت تھی۔ انہوں نے پہلے کوارٹر میں۸:۳۴؍ کے ساتھ لوکا ڈونک فیڈ کے بائیں بازو سے ۳؍ پوائنٹر مارا۔ اس کے پاس۳۴؍ پوائنٹس، ۸؍ ریباؤنڈس اور۶؍ اسسٹس تھے کیونکہ لیکرس نے پیلیکنز پر ۱۱۵۔۱۳۶؍سے کامیابی حاصل کی۔

یہ بھی پڑھئے: پرشانت چندر مہالانوبس ہندوستانی سائنسداں اور ماہر شماریات تھے

امریکی کھلاڑی کے مشترکہ اسکور میں اب ۴۱۸۷۱؍ ریگولر سیزن پوائنٹس اور۸۱۶۲؍ پوسٹ سیزن پوائنٹس شامل ہیں۔ وہ این بی اے کی تاریخ کے پہلے کھلاڑی بھی ہیں جنہوں نوعمری میں اور۴۰؍ سال کی عمر کے بعد بھی خود کو سرگرم رکھا ہے۔ پچھلے مہینے جیمس این بی اے کی تاریخ کے پہلے کھلاڑی بن گئے ہیں جنہوں نے ۴۰؍برس یا اس سے زیادہ عمر میں ایک گیم میں ایک سے زیادہ ۴۰؍ پوائنٹس اسکور کئے۔

یہ بھی پڑھئے: چیمپئن ٹرافی: وراٹ کی نصف سنچری، ہندوستان فائنل میں

لیجنڈری مائیکل جارڈن دوسرے۴۰؍ سالہ کھلاڑی ہیں جنہوں نے ۴۰؍ سے زیادہ پوائنٹس حاصل کئے ہیں۔ پچھلے دسمبر میں، جیمس نے لاس اینجلس لیکرس کی سیکرامنٹو کنگز کے خلاف جیت کے دوران لیگ کی تاریخ میں سب سے زیادہ منٹ کھیل کر ۶؍ بار کے ایم وی پی این بی اے کریم عبدالجبار کو پیچھے چھوڑ دیا۔ وہ۷؍فروری۲۰۲۳ء کو عبدالجبار کے ریگولر سیزن اسکورنگ ریکارڈ کو پیچھے چھوڑنے اور ۲۵؍ مئی۲۰۱۷ء کو مائیکل جارڈن کے پلے آف اسکورنگ ریکارڈ کو توڑنے کے بعد پہلے ہی لیگ کے ٹاپ اسکورر تھے۔