بیلاپور اسٹیشن پر ایک خاتون ٹرین حادثے کا شکار ہونے کے بعد معجزاتی طورپر محفوظ رہیں لیکن وہ اپنے دونوں پاؤں سے محروم ہو گئیں۔ یہ حادثہ تب پیش آیا جب خاتون بیلاپور سے تھانے جانے کیلئے مسافروں سے بھری ٹرین میں چڑھنے کی کوشش کر رہی تھیں۔

ممبئی کے بیلاپور اسٹیشن پر ایک خاتون ٹرین حادثے کا شکار ہونے کے بعد معجزاتی طور پر محفوظ رہیں۔ انہوں نے ٹرین حادثے میں اپنے دونوں پیر کھو دیئے۔ یہ حادثہ تب پیش آیا جب خاتون، جو بیلاپور سے تھانے جا رہی تھیں، نے جب مسافروں سے بھری لوکل ٹرین میںچڑھنے کی کوشش کی تو ان کا ایک پیر پھسل گیا اور وہ ٹریکس پر گر گئیں۔ ان کے گرنے کے بعد ٹرین شروع ہو گئی اور ایک کمپارٹمنٹ ان کے اوپر سے گزرا۔

A woman slipped and fell under a train, losing both her legs but surviving the accident. The incident occurred at #Belapur station when the woman slipped while boarding the train. She fell between the train and the platform, landing on the tracks.#Incident #Mumbai #LocalTrain pic.twitter.com/t2WY8JBBai

— Afternoon Voice (@Afternoon_Voice) July 8, 2024

یہ بھی پڑھئے: غزہ کیلئے لندن میں تاریخی مارچ، نئی حکومت پر دباؤ

دیگر مسافروں اور سیکوریٹی اہلکاروں کے الارم بجانے کے بعد ٹرین رک گئی۔ اسٹیشن کے سی سی ٹی پر موجود ویڈیو میں دیکھا جا سکتا ہے کہ ٹرین آہستہ آہستہ رک رہی ہے اور مسافر خاتون کو بچانے کی کوشش کررہے ہیں۔ بعد ازیںویڈیو میں خاتون کو بھی دیکھا جا سکتا ہے۔خاتون کے پاؤں خون سےتر ہیں اور پولیس اہلکار ان کی مدد کرنے کیلئے ٹریک پر اترے ہیں اور مشکل سے انہیں اٹھا رہے ہیں۔ رپورٹ کے مطابق اس حادثے میں خاتون نے اپنے دونوں پیر کھو دیئے ہیں۔

یہ بھی پڑھئے: لاڈلی بہن اسکیم دوتین مہینے میں ختم ہوجائیگی : اُدھو

خیال رہے کہ ممبئی میں موسلادھار بارش کے نتیجے میں متعدد علاقوں میں پانی بھر گیا تھا۔ کرلا، چونابھٹی، سائن اور دیگر مقامات پر ٹرین کے ٹریکس پر پانی بھرنے کی وجہ سے لوکل ٹرین خدمات بری طرح متاثر ہوئی ہیں۔ اطلاعات کے بعد بارش کے سبب متعدد ٹرینیں منسوخ کی گئی ہیں جبکہ متعدد ٹرینیں تاخیر سے چل رہی ہیں۔

While boarding a train at Belapur station in Maharashtra, a woman`s foot slipped and she fell in the middle of the track between the train and the station. The woman fell down, lost both her legs in the accident but survived. @RailMinIndia @RailwaySeva @Central_Railway pic.twitter.com/tvPk3LFDgT

— Bharat Ghandat (@GhandatMangal) July 8, 2024

جب یہ حادثہ پیش آیا اس سے قبل بیلاپور اسٹیشن پر کافی دیرسے کوئی ٹرین نہیں آئی تھی جس کے سبب اسٹیشن پر مسافروں کا ہجوم تھا۔ جب ٹرین آئی تھی تو سب مسافروں نے ٹرین میں سوار ہونے کی کوشش کی ۔ اسی کوشش میں متاثرہ خاتون کا پیر پھسل گیا اور وہ ٹریکس پر گر گئیں۔ 

یہ بھی پڑھئے: پُر وقار تقریب میں غلاف ِخانہ کعبہ تبدیل کردیا گیا

آج ممبئی میں موسلادھار بارش کے سبب اسکول اور کالجوں میں چھٹی دی گئی ہے اور ممبئی کی جانب آنے والی متعدد پروازوں کے بھی رخ تبدیل کئے گئے ہیں۔ تاہم، ہندوستانی محکمہ موسمیات نے دوپہر میں ممبئی کے ساحل پر ۴۰ء۴؍ میٹر کے ہائی ٹائیڈ کی پیشین گوئی کی ہے۔ حکومت مہاراشٹر نے ممبئی اور دیگر اضلاع کے کئی علاقوں میں حادثات کے پیش نظر این ڈی آر ایف کی ٹیمیں تعینات کی ہیں۔