ویتنام نے یکم جنوری سے ٹریفک کی خلاف ورزیوں پر جرمانے میں اضافہ کر دیا ہے۔ شہری اور تنظیمیں تصدیق شدہ ٹریفک خلاف ورزیوں کی اطلاع دینے پر۲۰۰؍ ڈالر تک کما سکتے ہیں۔ اس اقدام نے ہندوستان میں سوشل میڈیا پر بحث چھیڑ دی ہے۔ سوشل میڈیا صارفین کا کہنا ہے کہ اگر ہندوستان میں ویتنام کے ٹریفک قوانین کو اپنایا جاتا ہے تو وہ زیادہ تنخواہ والی آئی ٹی کی نوکری چھوڑ دیں گے۔

ویتنام نے یکم جنوری سے ٹریفک قوانین کی خلاف ورزی پر جرمانے میں اضافہ کرتے ہوئے نئے ٹریفک قوانین متعارف کرائے ہیں۔ ویتنام میں عوامی شرکت کے ذریعے سڑک کی حفاظت کو بہتر بنانےکیلئے بھی قواعد موجود ہیں۔ ’’ویتنام نیٹ ڈاٹ وی این‘‘ پر شائع ہونے والی ایک رپورٹ کے مطابق، اس کے تحت شہری اور تنظیمیں تصدیق شدہ ٹریفک خلاف ورزیوں کی اطلاع دینے پر ۲۰۰؍ ڈالرتک کما سکتے ہیں۔ انعام فی کیس انتظامی جرمانے کے ۱۰؍ فیصدتک محدود ہے، جس کا مقصد ٹریفک کے نظم و نسق اور حفاظت کو بڑھانے میں کمیونٹی کی شمولیت کی حوصلہ افزائی کرنا ہے۔ 

یہ بھی پڑھئے: گزشتہ سال ایشیا پیسیفک ممالک میں تجارت باقی دنیا کے مقابلہ میں بہتر رہی: ایسکپ

یہ سوشل میڈیا پوسٹ انڈیا میں وائرل ہو گئی ہے۔ معروف ماہر اقتصادیات اور نیتی آیوگ کے رکن اروند ورمانی سمیت بہت سے نیٹیزنز نے بھارت میں ٹریفک قوانین کی خلاف ورزی پر ہندوستان میں اسی قسم کے قوانین کا مطالبہ کیا ہے۔ ڈاکٹر ویرمانی نے ایک پوسٹ میں کہا، ’’ہمیں یہ یقینی طور پر بڑے ٹریفک جرائم کیلئے متعارف کرانا چا ہئے۔ ‘‘ ویتنام کے نئے ٹریفک قوانین کے تحت، کچھ خلاف ورزیوں پر پچھلے قوانین کے مقابلے میں تقریباً ۳۰؍ سے۵۰؍ گنا زیادہ جرمانے عائد کئے جاتے ہیں۔ بہت سے لوگوں نے اپنے ممالک سے موازنہ کیا، خاص طور پر ہندوستان، یہ تصور کرتے ہوئے کہ اس طرح کے نظام سے افراتفری پھیل سکتی ہے۔ ایک صارف نے مذاق میں کہا کہ اگر ہندوستان نے اس پر عمل کیا تو ٹریفک کی خلاف ورزیوں کی کثرت کو دیکھتے ہوئے تقریباً ہر کوئی کروڑ پتی بن جائے گا۔ 

یہ بھی پڑھئے: صدارتی انتخاب: امریکی کانگریس میں ٹرمپ کی فتح کی تصدیق

دوسروں نے اسے ملازمت کے ایک منفرد موقع کے طور پر دیکھا۔ تاہم، کچھ لوگ ویتنام کی افراتفری کی ٹریفک کے حالات کا حوالہ دیتے ہوئے شکوک و شبہات کا شکار تھے۔ ایک مبصر نے نوٹ کیا کہ ان کے ایک ماہ کے دورے سے بہت سے علاقوں میں ٹریفک قوانین کی کمی کا پتہ چلتا ہے، شہر ساختہ قوانین پر عمل کرنے کے بجائے سب کیلئے فری زونز کی طرح کام کر رہے ہیں۔ اس خیال نے کمائی کی صلاحیت پر ہلکے پھلکے تبصرہ کو بھی بڑھاوا دیا اگر ایسا نظام کہیں اور متعارف کرایا جاتا۔ کچھ لوگوں نے مذاق اڑایا کہ خلاف ورزیوں کی رپورٹنگ سے ہونے والی آمدنی ہندوستان میں آئی ٹی پیشہ ور افراد کی تنخواہوں سے زیادہ ہو سکتی ہے، اس وجہ سے کہ خلاف ورزیوں کی تعداد روزانہ دیکھی جاتی ہے۔ بحث نے ویتنام کے اختراعی نقطہ نظر اور مختلف ممالک میں ٹریفک کے انتظام میں ثقافتی فرق دونوں پر روشنی ڈالی۔ 

یہ بھی پڑھئے: پاکستان: ۲۲؍ ہزار بیوروکریٹ دہری شہریت کے حامل

ہندوستان میں ٹریفک رپورٹ اور ایوارڈ سسٹم 
ایک اور’ نیٹیزن‘ نے اس حقیقت کو سامنے لایا کہ ہندوستان میں ٹریفک کی خلاف ورزیوں کی اطلاع دینے کیلئےانعامی نظام موجود ہے اور اس نے کہا کہ اسے مزید اجاگر کیا جانا چاہئے۔ انہوں نے کہا کہ مثال کے طور پر دہلی ٹریفک پرہاری ایپ کے ذریعے۵۰؍ ہزار روپے تک کے انعامات ہیں۔ اس کے علاوہ ٹاپ ۴؍ معاونین کیلئے ماہانہ انعامات پیش کئے جاتے ہیں۔ پہلا انعام ۵۰؍ ہزار روپے، دوسرا انعام ۲۵؍ ہزار روپے، تیسرا انعام ۱۵؍ ہزارروپے اور چوتھا انعام ۱۰؍ ہزار روپے دیئے جاتے ہیں۔ گوا میں ٹریفک کی خلاف ورزی کرنے والوں کی اطلاع دینے کیلئےانعامی پوائنٹس ہیں۔